रावेर तालुक्याती सातपुडा भागात गांजाच्या शेतात पोलिसांचा छापा : परिसरात एकच खळबळ, आरोपी पोलिसांच्या ताब्यात

मुक्ताई वार्ता रावेर

तालुक्यातील रावेर पाल रोडवरील लालमाती सहस्रलींग गावाच्या शेतीशिवारात मोठ्या प्रमाणात एका शेतक-याच्या शिवारात गांजाची शेती असल्याची गुप्त माहिती मिळाल्याने रावेर पोलिसांनी कारवाई करत आरोपीस जेरबंद केले.

रावेर पोलिस ठाणे हद्दीतील सहस्रलिंग गावाजवळील ढाब्यासमोरील शेती शिवारात तीन ते चार एकर शेतीत गांजाची शेती केली जात होती. गुप्त माहितीवरून पोलीसांनी धाड टाकत कारवाई करून संशयीतास ताब्यात घेतले आहे. या ठिकाणी सुमारे पाच ते सहा फुट उंचीचे गांजाचे झाडे असल्याची माहिति मिळत आहे. या शेतात उघडपणे गांजाची शेती केली जात असल्याने आश्चर्य व्यक्त केले जात आहे. घटनास्थळी रात्री उशिरापर्यंत पोलिस निरीक्षक डाॅ . विशाल जैस्वाल, उपविभागीय अधिकारी अन्नपुर्णासिंग, यांच्यासह पोलिस कर्मचारी पंचनामा करीत होते.