अवैध वाळू वाहतूक करणाऱ्या तीन वाहनावर कारवाई रावेर : तिनही वाहनांना प्रत्येकी दीड लाखांचा दंड

मुक्ताई न्यूज 

तालुक्यातील सुकी नदीपात्रातून अवैध गौण खनिज वाहतूक करणाऱ्या तीन वाहनांवर महसूल पथकाने कारवाई केली आहे. त्यात दोन मालवाहू वाहने आणि एका ट्रॅक्टरचा समावेश आहे. त्यांच्या मालकांना दीड लाखाचा दंड ठोठावण्यात आला.

तहसीलदार बंडू कापसे व निवासी नायब तहसीलदार संजय तायडे यांच्या मार्गदर्शनाखाली अपर तहसीलदार डॉ. मयूर कळसे यांच्या नेतृत्वाखाली नियुक्त केलेल्या मंडळाधिकारी जे. डी. बंगाळे (खिरोदा), दीपक गवई (ऐनपूर ), यासीन तडवी (रावेर), विठोबा पाटील (ख़ानापूर) विजय धांडे, प्रवीण वानखेडे (सावदा), तलाठी गोपाळ भगत (खानापूर) यांच्या भरारी पथकाने पाल घाटातून खिरोद्याकडे जाणाऱ्या विनय नरसिंग पवार रा. पाल, ता. रावेर यांचे वाहन (एम एच १० / एक्यु ५५००) आणि प्रदीप

अर्जुन जाधव (रा. पाल, ता रावेर) (एम एच २० / सी. यू०२७९) या दोन अवजड वाहनांना, तसेच त्यांना प्रत्येकी दीड लाख रुपयांचा दंडई करण्यात आला. 

त्यामुळे अवैध वाळू वाहतूक करणाऱ्यांमध्ये खळबळ उडाली आहे.