बलवाडी शेती शिवारात आढळला अनोळखी इसमाचा मृतदेह; निंभोरा पोलिस स्टे. अकस्मात मृत्यूची नोंद.

मुक्ताई न्यूज नेटवर्क रावेर

 रावेर तालुक्यातील बलवाडी येथे मंगळवार 27 जानेवारी रोजी बलवाडी ते सिंगनूर शिवारातील विनायक नारायण पाटील यांच्या शेत बांधावरील रस्त्याच्या साईड पट्टी लागत असलेल्या चारीत एक अनोळखी तरुण नाव गाव माहीत नाही. अंदाजे 35 ते 40 वर्षवयोगटातील इसम हा मयत स्थितीत मिळून आला याबाबत विजय जगनाथ पाटील यांनी निंभोरा पोलिस स्टेशन ला माहिती दिल्याने सपोनि मीरा देशमुख यांच्या मार्गदर्शनाखाली फौजदार अभय ढाकणे, फौजदार ममता तडवी, हे का विजू जावरे, हे का रिजवान पिंजारी, परेश सोनवणे रशीद तडवी, तसेच फॉरेन्सिक स्टाफ फैजपूर विभाग यांनी घटना स्थळी जाऊन अधिक चौकशी केली.

 मयत एक अनोळखी इसम नाव गाव माहीत नाही वय 35 ते 40 वयोगटातील अंगात गुलाबी चेक्स पांढऱ्या रंगाचा फुलबहीचा शर्ट, त्याखाली पांढऱ्या रंगाची बनियान त्यावर लाल किनार असलेली मागील बाजूस ARMY व पुढील बाजूस इंडियन आर्मी असे लिहिलेले व एक राखाडी रंगाची जॅकेट,कमरेवर साधी ग्रे राखाडी रंगाची पॅन्ट, त्याखाली अंडरवेयर चॉकलेटी रंगाची या प्रमाणे सदर वर्णानाचा मयत इसम आढळून आला असून निंभोरा पोलिस स्टेशन ला अकस्मात मृत्यूची नोंद करण्यात आली आहे.

याबाबत कोणी ओळखत असेल तर निंभोरा पोलीस स्टेशनला संपर्क करावा असे आव्हान निंभोरा पोलिस स्टेशनच्या सपोनि मीरा देशमुख यांनी केले आहे.